2019 թվականի հուլիսի 24-ին Հայաստանի ամերիկյան համալսարանը և ՀՀ տարածքային կառավարման և ենթակառուցվածքների նախարարությունը (ՏԿԵՆ) կնքեցին փոխըմբռնման հուշագիր համատեղ իրականացնելու պիլոտային նախագիծ՝ Հայաստանի բոլոր մարզերում (բացի Երևան քաղաքից) թափոնների գոյացման և հավաքման շտեմարան և քարտեզ։
Մասնավորապես, շտեմարանը կներառի աշխարհագրական տեղեկատվություն թափոնների գոյացման վայրերի և աղբավայրերի մասին: Ըստ էության, պիլոտային ծրագիրը կձևավորի առկա աղբանոցների ռեեստրը՝ իրենց բնութագրերով (ներառյալ առկա աղբավայրերը որպես կետեր կամ պոլիգոններ, եթե համապատասխան տեղեկատվություն տրամադրվի հարցվողների կողմից): Այս պիլոտային նախագիծը հնարավորություն կտա ստեղծել կարողություններ՝ ՏԿԵՆ-ի կողմից իրագործվող թափոնների կառավարման նախագծերի ավելի արդյունավետ և օպտիմալացված կառավարման, ինչպես նաև նախարարության հանձնառությունների որակի ապահովման նհամար:
Նախագծի բաղադրիչները և արդյունքները
- ՏԿԵՆ-ն և ՀԱՀ Յակոբեան կենտրոնը կմշակեն առցանց քարտեզ-հարցաշար (օգտագործելով https://maptionnaire.comառցանց ռեսուրսը, GAtES ծրագրի շրջանակներում գրանցումը հասանելի կլինի նախքան 2021թ. ամառ), որի միջոցով կհավաքվի տեղեկատվություն ՏԿԵՆ-ից, տարածքային կառավարման և տեղական ինքնակառավարման մարմիններից:
- ՏԿԵՆ-ն կտարածի առցանց քարտեզ-հարցաշարը տարածքային կառավարման և տեղական ինքնակառավարման մարմիններին, և կվերահսկի ու կապահովի տվյալների հավաքագրման պատշաճ մուտքագրումն ու ստույգությունը:
- ՀԱՀ Յակոբեան կենտրոնը կմշակի առցանց ինտերակտիվ քարտեզ՝ ներկայացնելով հավաքագրված տվյալները: Առցանց քարտեզը հանրայնորեն հասանելի կլինի և՛ ՏԿԵՆ-ի, և՛ ՀԱՀ Յակոբեան կենտրոնի կայքերում։
- Արդյունքում կստեղծվեն Հայաստանի բոլոր մարզերում (բացի Երևան քաղաքից) թափոնների գոյացման և հավաքման շտեմարան և քարտեզ։
Նախագծի տևողություն
Հուլիս 25 – Դեկտեմբեր 31, 2019
Լրատվամիջոցները նախագծի մասին